يستعرض موقع مصر اليوم في التقرير التالي ابرز طرق علاج رعشة الجسم عند التوتر والتي تحدث نتيجة العديد من الاسباب المحيطة بنا في حياتنا اليومية
جسم الإنسان عنده شوية طرق غريبة حبتين بيعبر بيها عن بيها القلق والتوتر والخوف زي رعشة الجسم عند التوتر. كتير من الناس ممكن تحس برعشة في الجسم أو عرق في الإيد أو جفاف في الفم أو عرق في أماكن مُختلفة في الجسم.
لكن في شوية أعراض تانية بتحصلنا مش مقبولة خالص يعني .. زي لما نحس إن صدرنا مقبوض ومش عارفين ناخد نفسنا أو عندنا رعشة في جسمنا مش عارفين نتخلص منها.
من الأعراض الصعبة شوية هي رعشة الجسم عند التوتر لأنها حاجة مابنقدرش نتحكم فيها أو عالأقل حتى نخبيها عن الناس اللي حوالينا.. والحقيقة إن أفضل طريقة عشان الرعشة دي تهدى هي معالجة القلق اللي اتسبب فيها.
التعامل مع القلق بشكل عام محتاج تمرين. أكنك بتتعلم مهارة جديدة، هتاخد منك شوية وقت عشان تتعلمها .. مش هاتبقى أحسن من أول مرة لكن برضه مش لازم تبقى مُحترف عشان تعرف تتعامل مع القلق.. بمعنى كل ما تحاول أكتر كل ما تتحسن أكتر مع الوقت.
علاج رعشة الجسم عند التوتر بخمس طُرق بسيطة
علاج القلق بياخد وقت أكيد لكن إحنا هنحاول نعمل شوية حاجات بسيطة لعلاج رعشة الجسم دي:
استرخاء العضلات التدريجي
التكنيك ده بيركز على شد وإرخاء العضلات المُختلفة في جسمك. ممكن كمان وانت بتعمل كدة تتنفس بشكل عميق. الهدف من التكنيك ده إن جسمك يرتاح. ده ممكن يأثر بشكل كبير على الرعشة ويهديها خالص.
علاج رعشة الجسم عند التوتر على المدى البعيد
تعديل نمط حياتك
إنك تاكل أكل صحي، وإنك تحاول دايمً تلعب رياضة ده هيأثر على حساتك عامة بشكل كويس. كمان لازم تحاول دايمًا تقضي وقتك مع ناس إيجابية أكتر، وتقلل الناس السلبية اللي ف حياتك. لازم تلاقي وقت لنفسك عشان تسترخي فيه وتفصل.. الموضوع ده مُهم جدًا عشان تسيطر على القلق.
سواء قررت إنك تاخد علاج أو لأ .. صدقني التغيير الكبير اللي هاتعمله في حياتك هاخليك تتعامل مع القلق بشكل أسهل.
العلاج السلوكي المعرفي (CBT)
العلاج السلوكي هو أمتر علاج فعّال حاليًا للسيطرة على اضطرابات القلق لأنه بيتعامل بشكل خاص مع كيفية التعافي من عمليات التفكير الغلط التي هي أصلاً بتوصلك إنك تقلق.
الأدوية
المفروض إننا بنحاول نتجنب الأدوية لأنها ببساطة مش بتعالج القلق بشكل مباشر. لكنها مفيدة للتحكم في القلق على المدى القصير خاصة لو العلاج السلوكي وتغيير نمط الحياة مكانوش كافيين.
