هاجم المطرب أكمل زوج الفنانة هاجر أحمد رجل الأعمال أحمد الحداد صاحب مطعم قصر الكبابجي بعد طرده من مشروعه مدينة الرعب الخاص به بعد أن قام بتكلفته أكثر من 3 ملايين جنيه
قال: أنا حاليًا مطرود من مشروع بيت الرعب الخاص بي بعد ما أحمد الحداد أشتري قصر الكبابجي ومرديش يعوضني عن الملايين اللي دفعتها وقالولي عايزين جنبنا محلات ألماظ وحاجات تليق بينا مش مشروع رعب وأطفال وأضاف أكمل في تصريحات خاصة لمصر اليوم: الحداد قرر يطردني بدون اي وجه حق وقطعوا النور عليا وكسرولي مشروعي وليا في عقد الايجار 5 سنين كمان سرقوا الخشب بتاع المكان وأنا بناشد السلطات تدخل وعملت محاضر كتير في كل اللي حصل معايا وهاخد حقي بالقانون وتابع أكمل: أنا مصور بتليفوني كل اللي حصل معايا والاتلاف اللي حصلي كل شوية حد من عندهم يهددني أنا خسرت كل فلوسي في المشروع ده ولحد النهاردة بتعرض لمضايقات عشان بتكلم وبقول كل حاجة ومعايا اثباتات وڤيديوهات كنت ببعتها للمحامي أول بأول وأختتم حديثه قائلاً: أملي في ربنا كبير جدا وعارف أن حقي هيرجع أن شاء الله
يذكر أن آخر ألبومات أكمل “سايب علامة” الذى طرح فى 2016، وضم 12 أغنية، تعامل فيها مع مجموعة من الشعراء، فيما لحّن ياسر نور جميع أغانى الألبوم، ونفس الحال مع الموزع طارق توكل، الذى وزع كل الأغانى، وجاءت الأغانى كالتالى: أغنية “ولا غلطة” كلمات أحمد على موسى، الذى قدّم معه أيضًا 6 أغنيات أخرى، وهى “هيموت” و”ابعد عنى” و”الاقتراب ممنوع” و”مستغناش عنه” و”برة حياتى” و”لكل جرح دواه”.
