حرصت خبيرة التجميل إيمي تاتو، على الرد على الضجة المثارة على مواقع التواصل الاجتماعي، بسببها، منذ إعلانها عن تقديم برنامج تلفزيوني على شاشة قناة «الشمس»، بعنوان «ضي القمر».
وكتبت، عبر حسابها على موقع التواصل الاجتماعي «فيس بوك»: «الحمد لله والفضل كله لله.. قدر الله وما شاء فعل.. هو أنا بصراحة مش عارفة لية حصل غضب على السوشيال ميديا وخصوصًا عند بعض الإعلاميين وخصوصًا المبتدئين».
وتابعت: «الموضوع أخد أكبر من حجمه الموضوع كله كان فقرة في برنامج بتقدمه مذيعة أصلًا.. اكتمال الموضوع أو نهيه ولا فرق معايا».
وأوضحت: «أنا قبلته بناء على طلب كثير من السيدات على عرض بعض المعلومات والتجارب اللي تخص جمال المرأة وعلاقتها بالشعر والبشرة والتاتو.. أنا أتعرض عليا كتيييير من التمثيل والظهور في برامج وحلقات خاصة وعرض قصه حياتي وعلى طول برفض لأني فعلًا تركيزي كله على شغلي.. وده البرنامج الوحيد اللي قبلته لأنه خاص بفقرة عن اعتبرته كدردشة زي ما بدردش على بيدج المطبخ أو التاتو.. كبرتوا الموضوع أوووي.. ودي معاها ودي معهاش.. وهو لا فارق عندي من أساس».
