طمأنت الإعلامية هبة الأباصيري، جمهورها على صحتها وأولادها، بعد اندلاع حريق هائل في منزلها اليوم، بسبب تخزين الثوم.
وقالت هبة الأباصيري إنها لم تتعرض لأي إصابات هي وابنتيها بعد اندلاع الحريق، قائلة: الحمدلله إحنا بخير قدر الله وما شاء فعل.
وسبق، ونشرت هبة الأباصيري، صورة لشرفة المطبخ بمنزلها، بعد الحريق، قائلة: الحمد لله اللطيف الستار.. تفاجئنا بمنظر حريق ونار طايرة ماسكة في شباك المطبخ والحائط من بره ومواسير المياه!.. لا في أثر لعقب سيجارة أترمى ولا في أي حد أصلًا دخل المكان ده، ولا في أي منفذ حتى لجيران يرموا في المكان ده أي حاجة ولا الجو حر نار للدرجة دي!.
أضافت: النار طالعة من جوا صندوق كرتون فيه خزين التوم! ودي أول مرة في حياتي أصلًا أخزن توم! الله يسامح الست اللي بتساعدني هي اللي اقنعتني أخزن توم، نفس الست الطيبة اللي قالتلي وأنا عندي كورونا أحطلك نعناع على الشاي ليه، ما خسارة طالما أنتي كده كده مش هتستطعمي.
وأضافت هبة الأباصيري ممازحة: أنا لسه فاكرهالك بس مسامحاكي.. اللهم لك الحمد يا لطيف يا ستار.. راضية جدًا جدًا جدًا يا ربي.
هبة الأباصيري تقدم حاليًا برنامج الستات مبيعرفوش يكدبوا، مع كل من منى عبد الغني، إيمان عز الدين، ويناقش البرنامج العديد من القضايا أبرزها قضايا مجتمعية، وقضايا لها علاقة بالمرأة، والصحة النفسية، وغيرهم من القضايا.
